Oberourien ar GSD
Tud a bep seurt a gemer perzh evit lakaat e-plas Kenemglev 2003 ha/pe e labour skignañ ha saveteiñ ar GSD e Bro-C’hall.
An Unesco
+En 2003 eo bet degemeret gant Aozadur ar broadoù unanet evit an deskadurezh, ar skiantoù hag ar sevenadur (UNESCO) ar C’henemglev evit saveteiñ ar glad sevenadurel dizanvezel.
Dileuriadezh pad Bro-C'hall en Unesco
+
Un dileuriadur diplomatek eo a gemer perzh en Unesco evit didermeniñ an ahelioù strategel ha diwall e vefent lakaet da dalvezout.
Karget eo da varc’hata evit Bro-C’hall e-barzh tachennoù barregezh vras an Unesco (Deskadurezh, Skiantoù, Sevenadur ha Kehentiñ) ha brudañ a ra mad bro-C’hall ennañ.
Ministrerezh ar Sevenadur
+Gant ministrerezh ar Sevenadur e vez sturiet ar renabl-stroll war ar glad sevenadurel dizanvezel e Bro-C’hall.
An Etnopolioù
+An etnopolioù a zo kreizennoù danvezioù hag enklask war an etnologiezh. En 1999 eo bet krouet al label Etnopol – pol enklask ha danvezioù broadel war an etnologiezh. Ul label eo a vez roet gant ministrerezh ar Sevenadur, pennrenerezh ar Glad, d’ur framm a labour war an derez lec’hel ha broadel e tachenn an enklask, ar glad hag an ober sevenadurel war un tem divoutin. En 2020 e oa daouzek framm e-barzh rouedad an Etnopolioù, strewet war tiriad bro-C’hall.
– La Fabrique de patrimoines en Normandie, e Caen (Calvados)
– La Maison des Cultures du Monde – Le Centre Français du Patrimoine Culturel Immatériel, e Gwitreg (Il-ha-Gwilen)
– La Maison du Patrimoine Oral de Bourgogne, e Anost (Saône-et-Loire)
– Le Musée départemental Gustave- Courbet, e Ornans (Doubs)
– Le Musée des Arts & Traditions Populaires – Château de Champlitte, e Champlitte (Haute-Saône)
– Le Centre des Musiques Traditionnelles Rhône Alpes, e Villeurbanne (Rhône)
– Le Centre du Patrimoine Arménien, e Valence (Drôme)
– Le musée de Salagon, e Mane (Alpes-de-Haute-Provence)
– Le GARAE, Groupe audois de recherche et d’animation ethnographique, e Carcasonne (Aude)
– Le CIRDOC, Institut Occitan de Cultura, e Billère (Pyrénées-Atlantiques)
– L’Institut Culturel Basque, Ustaritz (Pyrénées-Atlantiques)
– Le Centre Intermondes, e La Rochelle (Charente-Maritime)
Ar mirdioù
+La Fédération des écomusées et musées de société (FEMS) : krouet en 1989 gant 28 mirdi, bremañ ez eus ouzhpenn 170 framm troet war-du ar glad a gemer perzh ennañ.
Ar Parkoù Naturel Rannvroel (PNR)
+Kevredad ar Parkoù Naturel Rannvroel : krouet eo bet en 1967 ha bodañ a rae 58 PNR en 2021.
Tri PNR a gaver e Breizh :
Park Naturel Rannvroel an Arvorig
Park Naturel Rannvroel ar Mor-Bihan
Park Naturel Rannvroel Traoñienn stêr Renk – Aodoù Emrodez : gwiriekaet a-benn 2023/2024
Ar c'hevredigezhioù
+– France PCI a zo kevredigezh bro-C’hall evit ar pezh a sell ouzh elfennoù ar glad sevenadurel dizanvezel en Unesco. Krouet eo bet en 2013 ha bodañ a ra dileuridi (kumuniezhioù, tudelezhioù pe strollegezhioù tiriadel) an elfennoù bet lakaet war listennoù Kenemglev 2003. « Ar c’humuniezhioù-se o deus dibabet en em aozañ e kevredigezh a-benn :
– brudañ e-touez an dud spered ar C’henemglev hag an elfennoù bet lakaet war e listennoù
– aesaat an eskemm titouroù, gouiziegezhioù, skiantoù-prenet hag ar c’henlabourioù war an derez broadel hag etrevroadel evit saveteiñ ar GSD
– bezañ un nerzh kinnig ha prederiañ evit oberourien ar GSD e bro-C’hall hag er bed. »
Graet e vez war-dro ar sekretouriezh ar gevredigezh gant ar CFPCI.
– L’association des Maîtres d’art et de leurs élèves : krouet eo bet e 2002 ha bodañ a ra micherourien anvet gant ministrerezh ar Sevenadur abalamour d’o chemet. Hervez ar gevredigezh eo bet levezonet an anzavadur-se gant an Teñzorioù Broadel Bev anavezet e bro-Japan. War an derez etrevroadel ez eo ur programm heñvel ouzh hini Teñzorioù Broadel Bev («Trésors Humains Vivants») a zo bet dalc’het etre 1993 ha 2003, deiziad peurwiriekadur ar c’henemglev war ar GSD.
– La Fédération des associations de musiques et danses traditionnelles (FAMDT) : krouet eo bet en 1985 ha bodañ a ra 113 framm eus tachenn an dañsoù ha sonerezhioù hengounel ha deus ar bed. Ennañ e kaver ivez kreizennoù rannvroel ar sonerezhioù ha dañsoù hengounel.
– L’Office du patrimoine culturel immatériel (OPCI) : krouet eo bet en 2009 e Naoned. Sturiañ a ra an OPCI meur a raktres evit kas ar GSD war-raok. Da skouer he deus sinet ur C’henemglev-stern e 2021 e kevelerezh gant Les Petites cités de caractères evit ma vefe kemeret e kont ar GSD.
